Маны аах Уопсастыба

Экотуризм Хаҥаластан саҕаланыа

«Өлүөнэ туристический кластер» («Туристический кластер Лена») бырайыак СӨ Тас сибээскэ уонна норуоттар дьыалаларыгар министиэристибэ Инвестицияны тардар уонна экспорты өйүүр ааҕыныстыбаны кытары тэрийбит төгүрүк остуолугар сырдатылынна.

Манна Арассыыйа, Италия, Кэриэйэ, Германия, Великобритания, Индия, Финляндия, Монголия, Кытай, Казахстан, Япония, Малайзия дипломатическай тэрилтэлэриттэн, туристическай хампаанньалар уо.д.а. куйаар ситиминэн кытыннылар.

«СӨ Инвестицияны тардар уонна экспорты өйүүр ааҕыныстыба» ГБТ генеральнай дириэктэрэ Александр Кондрашин  өрөспүүбүлүкэҕэ туристическай инфраструктураны сайыннарарга кэскиллээх бырайыактары кытары бииргэ үлэлээһин туһунан сырдатта. Салгыы СӨ Урбаан, атыы-эргиэн уонна туризм миниистирэ Ирина Высоких «Лена» туристскай-рекреационнай кластер биир саамай биллэр-көстөр үлэлээҕинэн буолуоҕар эрэннэ итиэннэ кластер бырайыага Саха өрөспүүбүлүкэтигэр туристскай индустрияны 2025 сылга диэри сайыннарыы стратегиятын, 2024 сылга диэри Уһук Илини сайыннарыы национальнай бырагырааматын курдук, стратегическай докумуоҥҥа киллэриллибитин эттэ. Төгүрүк остуол кыттыылаахтара экотуризмы сайыннарыыга, бырайыактарга, тырааныспарынан сырыыга санааларын үллэһиннилэр. Оттон Арассыыйа дипломатическай тэрилтэлэриттэн уонна атыы-эргиэн бэрэстэбиитэлистибэлэриттэн кыттыылаахтар туһааннаах иһитиннэриилэри киэҥник тарҕатарга өйүүллэрин биллэрдилэр.

Төгүрүк остуол Арассыыйаҕа туристскай-рекреационных кластердары уонна экотуризмы тэрийэр соруктаах  Бүтүн Арассыыйатааҕы куонкурус иккис түһүмэҕин иитинэн ыытылынна. Тэрээһини «Саҥа бырайыактары хамсатыыга стратегическай көҕүлээһиннэр Ааҕыныстыбалара» АНО Экология уонна айылҕа ресрусаларын, Экономическай сайдыы, Уһуҥ Илини сайыннарыыга РФ министиэристибэлэрин уонна 2020 сылга РФ туризмҥа федеральнай ааҕыныстыба өйөбүллэринэн тэрийбит.

Бырайыакка Хаҥалас улууһун туристскай инфраструктуратын эбийиэктэрэ, «Өлүөнэ очуостара» национальнай паарка, о.д.а. киллэриллибиттэр. Үлэ сэҥээриини ылан, ТОП-36 бырайыакка киллэриллибит, Бүтүн Арассыыйатааҕы куонкурус иккис түһүмэҕэр ааспыт. Түмүк алтынньы 16 күнүгэр биллэр.

edersaas.ru

0
0

Добавить комментарий