Экология уонна Арктика министиэристибэлэрэ Арктиканы сайыннарыыга күүстэрин түмэллэр

Ааптар: 
Бөлөххө киир:

Экология уонна Арктика министиэристибэлэрэ Арктиканы сайыннарыыга күүстэрин түмэллэр

Икки тутаах министиэристибэ туох туһугар бииргэ үлэлииллэрий?    

Аҕыйах хонуктааҕыта СӨ Экология министиэристибэтигэр өрөспүүбүлүкэ Бырабыыталыстыбатын Бэрэссэдээтэлин солбуйааччы Михаил Никифоров уонна Арктиканы сайыннарыыга уонна норуоттар дьыалаларыгар миниистирэ Владимир Черноградскай кыттыылаах көрсүһүү ыытыллыбыта.

Кинилэр федеральнай уонна өрөспүүбүлүкэ таһымыгар Арктика түөлбэтин  сайыннарыыга саҥа стратегическай докумуоннары бииргэ дьүүллэспиттэрэ.

СӨ экологияҕа, айылҕаны туһаныыга уонна ойуур хаһаайыстыбатыгар миниистирэ Сахамин Афанасьев бэлиэтииринэн, бу докумуоннар тулалыыр эйгэни харыстааһыны уонна экологияны эмиэ таарыйаллар.

Саҥа стратегическай докумуоннар Арктика түөлбэтин салгыы сайыннарыыга төһүү буолуохтара. Биһиги Арктика айылҕатын баайын харыстыырга уонна хаҥатарга бары кыахпытын түмүөхтээхпит”, — диэтэ кини.

Миниистир этэринэн, Арктика министиэристибэтин кытта тустаах министиэристибэ федеральнай статустаах айылҕа ураты харыстанар саҥа сирдэрин тэрийиигэ, “Ыраас дойду” национальнай бырайыагы олоххо киллэриигэ ЗИФ Кулаардааҕы хвостохранилищетын боппуруоһунан, балыктааһыны, бултааһыны сүрүннээһиҥҥэ уо.д.а. үлэни ыыталлар.

Санатан эттэххэ, биир сыл анараа өттүгэр Саха сирин Экология министиэристибэтэ уонна Саха сирин Арктика министиэристибэтэ бииргэ үлэлээһиҥҥэ сөбүлэһиигэ илии баттаспыттара. Бу сөбүлэһиини олоххо киллэрэн, биэдэмистибэлэр Арктика экологиятыгар куттал суох буолуутугар, айылҕаны көдьүүстээхтик туһаныыга кэккэ тэрээһиннэри бииргэ ыыттылар.

Сахагов саайтан

Бэлэмнээтэ Женни Стрюкова

Хаартыска: тустаах саайтан

+1
0
+1
0
+1
0
+1
0
+1
0
+1
0
+1
0