Быйылгы Экология сылыгар анаан СӨ Айылҕа харыстабылын министиэристибэтин көҕүлээһининэн, «Край первозданной красоты. Природа земли Олонхо» диэн фотоальбом таҕыста.
edersaas.ru
Саха сирин ураты кыраһыабай айылҕатын хаартысканан дьүһүйэн көрдөрөр элбэх альбомнар, кинигэлэр бааллар. Бу кинигэни айылҕа харыстабылын үлэһиттэрэ Москва куоракка ыытыллыбыт бүтүн Арассыыйатааҕы тулалыыр эйгэни харыстыыр бэһис сийиэс кэмигэр сүрэхтээбиттэрэ. Сонун кинигэ туһунан айылҕа харыстабылын миниистирэ Сахамин Афанасьев: «Бу фотоальбом аан дойду биир кэрэ көстүүлээх сиригэр — Саха сиригэр ананна. Элбэх фотографтар уонна суруналыыстар тиритиилээх-хорутуулаах үлэлэрин түмүгэ буолар«, — диэн бэлиэтээн эттэ.
Түгэнинэн туһанан, министиэристибэ урбаанньыт, меценат Руслан Федотовка, «Иркутская нефтяная компания» тэрилтэҕэ, РФ үтүөлээх эколога Любовь Киприяноваҕа уонна «Амма кырдалын ыччата» түмсүү бэрэссэдээтэлэ Саргылаана Неустроеваҕа махталларын биллэрэр.
Фотоальбому Владимир Рябков салайааччылаах «Пента» кинигэ кыһата таһаарда.
Анивера Акимова, edersaas.ru