Айсен Николаев IV Илиҥҥи экономическай форумҥа бастакы сөбүлэһиигэ илии баттаата

IV Илиҥҥи экономическай форумҥа Саха сирэ Камчатскай кыраайы кытта 2018-2019 сс. атыы-эргиэн, научнай-техническэй, социальнай-култуурунай боппуруостарга бииргэ үлэлэһиигэ сөбүлэһии түһэристэ.

edersaas.ru

Боротокуолга Ил Дархан Айсен Николаев уонна Камчатскай кыраай күбүрүнээтэрэ Владимир Илюхин илии баттаатылар. Маннык сөбүлэһии 2015 с. үлэлиир.

Уһук Илин эргимтэни сайыннарар сыаллаах форумҥа дойду бэрэсидьиэнэ Владимир Путин балаҕан ыйын 10-12 күннэригэр тус бэйэтэ кыттыыны ылыаҕа. Чуумпу акыйаан тула сытар Азия дойдуларын кытта экономическай сибээһи бөҕөргөтөн, бииргэ үлэлэһэргэ киэҥ далааһыннаах кэпсэтии тахсыаҕа.

Арассыыйа Уһук Илин хайысхатынан омук партнердарын хапытаалын көмөтүнэн урбаан саҥа салаалара, урутаан сайдар сирдэр үбүлэниэхтэрэ.

Онон кэлэр сылларга Кытай, Япония, Корея, Монголия хампаанньаларын кытта ыкса үлэлэһиэхпит.

Марианна Тыртыкова, «Саха сирэ», edersaas.ru