Арассыыйа уонна Украина сыһыаннаһыыларыттан сылтаан, Эмиэрикэ биһиги дойдубутугар экэниэмикэҕэ сыһыаннаах араас хабааннаах санкциялары киллэрэр. Ол эрээри, онтон долгуйар, ыксыыр адьас наадата суох. Бу күннэргэ кирэдьииккэ каникулу биллэрэр сокуон олоххо киириэҕэ.
Кимнээх туһаныахтарын сөбүй?
— Бастакы уочарат аччыгый уонна орто биисинэс урбаанньыттара хапсаллар. Ону тэҥэ, чааһынай дьон ипэтиэкэҕэ баантан кирэдьииттээх буоллахтарына, эмиэ туһанар бырааптаахтар. Саамай сүрүнэ, кирэдьиит ылбыты туоһулуур дуогабар 2022 сыл кулун тутар 1 күнүгэр диэри түһэрсиллибит буолуохтаах;
— Быйыл кулун тутар 1 күнүттэн балаҕан ыйын 30 күнүгэр диэри урбаанньыттар уонна чааһынай дьон кирэдьиити ылбыт сирдэригэр (чуолаан бааннарга) кирэдьиитинэй каникулы туруорсар толору бырааптаахтар;
— Бырабыыталыстыба ыйыллыбыт чэпчэтиилээх кэми уһатан биэриэн сөп;
— кирэдьиитинэй каникул сыл аҥаарыттан уһун кэмҥэ бэриллибэт, ону тэҥэ, кирэдьиит эбэтэр солуок кээмэйэ кыччатыллан төлөнүллүөн эмиэ сөп;
— каникулы туһаныы сүрүн усулуобуйата: дохуот 30 % кэриҥэ түспүт буолуохтаах, кирэдьиит кээмэйэ бырабыыталыстыба быспыт кээмэйиттэн улахан буолуо суохтаах;
— кирэдьиитинэй каникулы сойуомсуктар эмиэ туһанар бырааптаахтар, өскөтүн, коронавирус дьаҥа бүрүүкээн турар кэмигэр туһаммыт буоллахтарына.
Александр ТАРАСОВ, edersaas.ru