Коронавирус дьаҥын бохсон, дьиэҕэ хааччахтанан олоруу буолбутун да иһин, Кыайыы күнүгэр ханна да куйаар ситиминэн сэргэх күрэстэр, тэрээһиннэр ыытылыннылар.
edersaas.ru
Горнай улууһун Атамай нэһилиэгэр хаартысканан аахсыйа, түннүгү киэргэтии өрө көтөҕүллүүлээхтик ыытыллыбыттар. Сынньалаҥ киинин уус-уран салайааччыта Альберт Аввакумов:
—Дьоммутугар-сэргэбитигэр Улуу Кыайыы 75 сыла сэргэх буоллун диэн, нэһилиэк уопсастыбанньыктара эҕэрдэлэрин этэн, ыллаан, хоһоон ааҕан, ону барытын видеоҕа устан, түмэн, «Махтал бэтэрээҥҥэ» диэн ааттаан, Кыайыы күнүнэн нэһилиэнньэҕэ тарҕатан үөрүүнү үксэттилэр.
«Өлбөт үйэлээх полк» сэлэлии хаамыы быйыл Кыайыы күнүгэр ыытыллыбатаҕынан, «Киэн туттабыт, махтанабыт» хаартысканан аахсыйа тэрилиннэ.
Барыта 31 ыал уоттаах сэриигэ кыттыбыт дьоннорун хаартыскаларын ыытан бу аахсыйаҕа кытыннылар.
Видеону сэргээн, сэҥээрэн көрдүлэр, махтаннылар.
«Эйэ түннүгэр» дьиэлэрин, үлэлиир сирдэрин түннүктэрин олус үчүгэйдик киэргэттилэр. Улуу Кыайыы 75 сылын бэлиэтин көрдөрдүлэр.
Тэрилтэлэр эҕэрдэлэрэ, бу тэрээһиннэрбит барыта батсаабынан, инстаграмынан ыытылыннылар. Дьон-сэргэ сүрдээҕин сэҥээрдэ, кытынна. Онон олус чуҥкуйбатылар.
Сардаана Баснаева, «Саха сирэ» хаһыат, edersaas.ru
Хаартыскалар Атамайдааҕы сынньалаҥ кииниттэн
https://www.instagram.com/tv/B_9K6mWodtx/?igshid=1m113p5la7pjg