Бэс ыйын 24 күнүгэр Москваҕа кыайыы параада ыытыллар. Бу күн дойду үрдүнэн “Эйэ холууба” диэн Бүтүн Арассыыйатааҕы аахсыйа буолуоҕа. Саха сирин олохтоохторун бу аахсыйаҕа кыттыһарга ыҥыраллар.
edersaas.ru
Үрүҥ холууп – саамай тарҕаммыт, киэҥник биллибит, Эйэ бэлиэтэ. Онон бэс ыйын 24 күнүгэр кумааҕыттан, атын да матырыйаалтан холуубу оҥорон баран, хаартыскаҕа түһэрэн, #ГолубьМира #МирНаЗемле хэштегтэри туруоран баран, интэриниэккэ угуоххутун сөп. Ону тэҥэ, холуубу түннүккэ, дьиэҕит аттынааҕы маска иилиэххитин сөп.
Аахсыйаны ыччат дьыалаларыгар, социальнай коммуникацияларга министиэристибэ сүрүннүүр. Ийэ дойдубутун сиэмэх халабырдьыттартан көмүскээн, эйэлээх олох иһин турууласпыт бэтэрээннэргэ махталбыт бэлиэтэ – бу аахсыайаҕа кыттыһыы буолар. Онон үүнэр көлүөнэлэргэ Эйэни харыстыыр туһунан өйдөтүөх тустаахпыт.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1