Өрөспүүбүлүкэ 2018 сыллааҕы бүддьүөтүгэр нолуок киириитэ төһө да аҕыйаатар, үп-харчы сүрүн докумуона социальнай суолтатын сүтэриэ суоҕа диэн Ил Дархан Егор Борисов уочараттаах Анал этиитигэр бэлиэтээн эттэ.
Нэһилиэнньэ олоҕун уйгута тупсарыгар уонна хамнас үрдээһинигэр улахан болҕомто ууруллуохтаах. Социальнай суолталаах соруктары быһаарыыга бүддьүөттэн 81 млрд солк. көрүллүөхтээх. Оттон хамнас пуондата 74,7 млрд солк. тэҥнэһиэҕэ.
Кэлиҥҥи сылларга тыһыынчанан ыал саахалланар уонна хаарбах туруктаах дьиэлэртэн көһөрүллэн, саҥа кыбартыыраларынан хааччылыннылар. Олорор дьиэнэн хааччыйыы бэлиитикэтин салгыы сайыннарыы соруга турар.
Егор Борисов иһитиннэрбитинэн, кэлиҥҥи биэс сылга өрөспүүбүлүкэ 30 тыһыынча кэриҥэ олохтооҕо олорор дьиэтин усулуобуйатын тупсарда. Тыа сиригэр олорор ыаллары киин ититэр ситимҥэ холбооһун уонна чааһынйа дьиэлэри толору хааччыллыылаах оҥорууга үлэ салгыы ыытыллыахтаах.
Анивера АКИМОВА, edersaas.ru