«Медиалогия» информационнай-аналитическай ситим Уһук Илин федеральнай уокурук губернатордарын үлэлэрин сыаналааһыҥҥа, ааспыт ый түмүгүнэн таһаарбыт рейтинигэр СӨ Ил Дархана Егор Борисов иккис үктэлгэ таҕыста.
Бастакы миэстэҕэ Приморскай кыраай салайааччыта Андрей Тарасенко, үһүскэ Хабаровскай кыраай губернатора Вячеслав Шпорт сылдьаллар.
Сонуну киэҥник тарҕатар эйгэҕэ суруйалларынан, алтынньыга Ил Дархан Егор Борисов «Кванториум» оҕо технопааркатын арыллыытыгар кыттыбыт. Ол курдук, Арассыыйа үрдүнэн 17 эрэгийиэҥҥэ “Кванториум” арыллыбыта. Олортон биирдэстэрэ – Саха сиригэр.
Егор Афанасьевич WorldSkills Abu Dhabi 2017 аан дойдутааҕы чөмпүйэнээт призера Степан Кириллиҥҥэ өрөспүүбүлүкэ сайдыытыгар дьоһун кылаатын иһин Ил Дархан бириэмийэтин туттарбыта. Оттон Егор Борисов РФ ыксаллаах быһыыга-майгыга миниистирин солбуйааччы Павел Барышевы кытары көрсүһүүгэ, Арктикаҕа эрэгийиэннээҕи быыһыыр киини (региональный арктический аварийно-спасательный центр) тэрийэр туһунан этии киллэрбитэ.
Уһук Илин губернатордарын рейтинэ:
Миэстэ | Салайааччылар | Эрэгийиэн | Иһитиннэрии ахсаана | МедиаИндекс |
1 | ТАРАСЕНКО Андрей Владимирович | Приморскай кыраай | 7 834 | 83 395,3 |
2 | БОРИСОВ Егор Афанасьевич | Саха Өрөспүүбүлүкэтэ | 2 584 | 25 334,7 |
3 | ШПОРТ Вячеслав Иванович | Хабаровскай кыраай | 2 389 | 13 032,1 |
4 | КОЗЛОВ Александр Александрович | Амурскай уобалас | 1 477 | 12 213,2 |
5 | КОЖЕМЯКО Олег Николаевич | Сахалин | 1 188 | 9 513,1 |
6 | ПЕЧЕНЫЙ Владимир Петрович | Магадан | 1 573 | 6 716,1 |
7 | ИЛЮХИН Владимир Иванович | Камчатка | 980 | 4 005,9 |
8 | КОПИН Роман Валентинович | Чукотка | 570 | 2 147,3 |
9 | ЛЕВИНТАЛЬ Александр Борисович | Еврейскэй автоном. уобалас. | 408 | 2 114,4 |