Бүгүн Гражданскай актыбыыстар күннэрин олохтуур туһунан Ил Дархан анал ыйааҕа таҕыста. Эһиилгиттэн саҕалаан муус устар 2 күнүгэр актыбыыстар сылын аайы идэлээх бырааһынньыктарын бэлиэтиэхтэрэ.
Актыбыыстар күннэрэ бу даатаҕа сөп түбэспитэ мээнэҕэ буолбатах. 2011 с. муус устар 2 күнүгэр Саха сиригэр уопсастыбаннай палаата туһунан сокуон тахсыбыта. Онон уопсастыбаннай үлэ сокуонунан бигэргэтиллэн үлэлииргэ-хамсыырга олук ууруллубута.
Маннык анал күн наадатын туһунан Егор Афанасьевич өссө бу сайын Гражданскай форум кэмигэр иһитиннэрэн турар. Онно кини коммерческайа суох уопсастыбаннай түмсүүлэр, нэһилиэк, улуус, өрөспүүблүкэ күннээҕи олоҕор актыыбынайдык кытта сылдьар дьон сыаналаныахтаахтарын, кинилэр үтүө үлэлэрэ түмүктээх буолуохтааҕын бэлиэтээбитэ. Онон бу ыйаах уопсастыбаннай үлэни көҕүлээһиҥҥэ биир дьоһун хардыынан буолуоҕа.
Аграфена КУЗЬМИНА, “Саха сирэ” хаһыат, edersaas.ru
+1
+1
+1
+1
+1
+1
+1