“Саха” НКИХ ханаалынан тахсыбыт пресс-конференциятыгар Егор Борисов өрөспүүбүлүкэ суруналыыстарын ыйытыыларыгар хоруйдаата. Онно Ил Дархан эһиилги Дьокуускай куорат баһылыгын быыбарыгар өрөспүүбүлүкэ салалтата Айсен Николаев кандидатуратын өйүөҕүн эттэ.
Көрсүһүү кэмигэр «Эхо столицы» хаһыат дириэктэрэ — кылаабынай эрэдээктэрэ Александр Прокопьев эһиилги Дьокуускай куорат мэрин быыбарыгар Ил Дархан кими өйүөҕүн ыйытта. Онуоха Ил Дархан мэр Айсен Николаевы өйүүр санаалааҕын биллэрдэ. «Соторутааҕыта Айсен Сергеевичтыын кэпсэппиппит. Мин киниэхэ быыбарга турара наадалаҕын ыйбытым. Эһиилги быыбарга Айсен Сергеевиһи өйүөхпүт» — диэтэ Егор Борисов. Ил Дархан кинини “таһаарыылаахтык үлэлии сылдьар салайааччы” быһыытынан сыаналаата уонна өрөспүүбүлүкэ уонна мэрия бииргэ үлэтин түмүгэр киин куораппыт Дьокуускай лаппа сайдыбытын бэлиэтээтэ.
Прокопий БУБЯКИН.
Ыспыраапка
Николаев Айсен Сергеевич
1972 с. Ленинградка төрөөбүтэ
1994 с. МГУ-ну бүтэрбитэ
1997-2002, 2002-2004 сс – Ил Түмэн дьокутаата
2004 с – СӨ үбүн миниистирэ
2007 с – СӨ Президенин уонна Бырабыыталыстыбатын дьаһалтатын салайааччы
2011 с – СӨ Бырабыыталыстыбатын бэрэссэдээтэлин бастакы солбуйааччы
2014 кулун тутар 4 күнүгэр – Дьокуускай мэринэн талыллыбыта.