Күндү Саха сирин олохтоохторо! Эһигини барыгытын бүгүҥҥү үөрүүлээх күнүнэн, Норуот сомоҕолоһуутун күнүнэн, итиитик-истиҥник эҕэрдэлиибин!
Бу бэлиэ даата XVII үйэттэн силис-мутук тардар. Билэргит курдук, 1612 с. норуот бүттүүнэ турунан, сомоҕолоһон Москваттан хара санаалаах халабырдьыттары үүрбүтэ. Ол кэмтэн ыла бу күн биһиги историябытыгар ураты миэстэни ылар.
Бу бырааһынньык – биһиги историябыт, үгэспит. Бу бэлиэ даата биһиэхэ биир санаанан салайтардахпытына, күүспүтүн түмтэхпитинэ эрэ кыайыылаах-хотуулаах тахсыахпытын санатар.
Быйыл биһиги Саха сирэ Арассыыйаҕа холбоспута 385 сылын бэлиэтиибит. Ону тэҥэ бу үбүлүөйдээх даата Сибиири уонна Уһук Илин регионнарын сайыннарыыны, биһиги экономикабыт, култуурабыт, духуобунай сайдыыбыт олохсуйуутун кытары ыкса сибээстээх. Манна даҕатан эттэххэ, бүгүн Кириэмил Успенскай собуоругар литургия нууччалыы уонна сахалыы ааҕыллара эмиэ ураты суолталаах.
Биһиги өрөспүүбүлүкэбитигэр үгүс омук ыаллаһан олорор. Хас биирдии омук бэйэтин култууратын, үгэһин илдьэ сылдьар. Кинилэр бары Саха сирин төрүт үгэһин, култууратын ытыктыыллар, убаастыыллар уонна биһиги дойдубут чөл туруктаах буоларыгар бэйэлэрин кылааттарын киллэрсэллэр. Саха сирин олохтоохторо былыр-былыргыттан эппиэтинэстээх, үлэһит, аламаҕай дьон быһыытынан биллэбит. Ити, биллэн турар, өрөспүүбүлүкэбит сайдыытыгар төһүү күүс буолар.
Күндү бар дьонум! Эһиэхэ, барыгытыгар, кытаанах доруобуйаны, чэгиэн буолууну, эйэни, ситиһиини, дьиэ кэргэҥҥитигэр дьолу, тапталы баҕарабын!
СӨ Ил Дархана Егор БОРИСОВ