Егор Борисов 2018 сылга Саха сирин олохтоохторун туох күүтэрин кэпсээтэ
«Якутия» интэриниэт-хаһыакка бэйэтин блогар СӨ Ил Дархана Егор Борисов 2018 сылга туох күүтэрин кэпсээтэ. Ил Дархан регион чугастааҕы эрэ сылларга дьэҥкэ сыаллаах-соруктаах буолбакка, кырата сүүрбэ сылы инникилээн көрөн уһун болдьохтоох быланнааһынынан олорорун, онон сылыктыырга уустуга суоҕун эттэ.
Сыл саҥатыгар, мэлдьи буоларын курдук, оройуоннарынан, улуустарынан, нэһилиэктэринэн айаннаан олохтоохтору, баһылыктары уонна дьокутааттары кытары сэһэргэһиэм. Кыһын бүтүөн иннинэ, Саха сирин бары чэгиэн күүстэрин сомоҕолуур туһуттан, духуобунас өрөспүүбүлүкэтээҕи иккис форумун ыытарга кыһаллыахпыт. Онно тэтимнээхтик иннибит диэки салгыы барарбытыгар оруоллааҕынан, бастаан айар интеллигенция бэрэстэбиитэллэрин кытары көрсүөхпүт.
Саха сирин бары олохтоохторугар или-эйэни, этэҥҥэ буолууну баҕарабын. Барыбытын куһаҕан тумуннун, эйэлээхтик олоруоҕуҥ, сарын санныбытыгар өйөһөн чиэһинэйдик үлэлиэҕиҥ, эппиэтинэстэн чаҕыйымыаҕыҥ, биһиги өйөбүлбүтүгэр наадыйааччыларга, чугас дьоммутугар бары кыһамньыбытын ууруоҕуҥ. Сахабыт сирин ис сүрэхпититтэн таптыаҕыҥ уонна олохпутугар туох баары барытын харыстыаҕыҥ!
Кулун тутарга бэрэсидьиэн быыбара буолуоҕа. Онно политика боппуруоһугар куруук тиһиктээхтик кыттар, санааларын үллэстэр, дойдуларын таптыыр, инники дьылҕатын туһунан толкуйдуур Сахабыт сирин олохтоохторо көхтөөх кыттыыны ылалларыгар эрэнэбин. Быыбардар түмүктэрэ бүгүҥҥү олохпут дьиҥ хартыынатын хайдах баарынан көрдөрүөхтээхтэр. Экономика уонна социальнай эйгэ утумнаахтык сайдыыта, судаарыстыбабыт бөҕөргөөһүнэ аан дойдуга бигэ туруктаахпытын бигэргэтиэ.
Сиһилии “Якутия” интэриниэт-хаһыакка ааҕыҥ.