Ытыктабыллаах Егор Афанасьевич!
Саха Өрөспүүбүлүкэтин салалтатын уонна тус бэйэм ааппыттан эйигин 65 сааскын туолбуккунан истиҥник эҕэрдэлиибин!
Эн олоххун бүттүннүү төрөөбүт Ийэ сиргэр сулууспалааһыҥҥа анаатыҥ. Араас салайар дуоһунастарга уонна Саха сирин Ил Дарханынан үлэлээн, өрөспүүбүлүкэҕэ уонна бары олохтоохторго тугунан да сыаналаммат кылааккын киллэрдиҥ.
Эн өрөспүүбүлүкэни салайар кэмҥэр доруобуйа харыстабыла, үөрэхтээһин, тыа хаһаайыстыбата, бырамыысыланнас, предпринимательство, тырааныспар тиһиктэрэ тэтимнээхтик сайдыбыттара, социальнай эбийиэктэр тутуллубуттара, бөдөҥ инвестиционнай бырайыактар олоххо киирбиттэрэ. Эрэгийиэннээҕи ис баалабай ырыынак таһыма үрдээбитэ, демография көрдөрүүлэрэ тупсубуттара. Арктика сирин-уотун, гражданскай уопсастыбаны сайыннарыыга кырата суох күүскүн уурбутуҥ.
Эйигин киһи барыта эрэгийиэн эргиччи сайдыытыгар бары эппиэтинэһи ылыммыт, дириҥ толкуйдаах салайааччы быһыытынан сыаналыыр. Маныаха эн өрүү норуокка чугаскынан, көннөрү дьон санаатын сатаан истэргинэн уратылааххын уонна саамай уустук быһаарыныылары ыларгар итилэринэн салайтарбытыҥ. Эн ыытар үлэҥ-хамнаһыҥ төрөөбүт өрөспүүбүлүкэҥ салгыы сайдыытыгар уонна чэчирииригэр, дьон олоҕун уйгута тупсарыгар төһүү буолуоҕа диэн эрэнэбин.
Бу бэлиэ күн Эйиэхэ чэгиэн доруобуйаны, этэҥҥэ буолууну, или-эйэни, уостубат күүһү-уоҕу, ситиһиилэри, торумнаабыт былааннаргын олоххо киллэрэргэр баҕарабын! Доҕордуу сибээһиҥ бигэ буоллун, чугас дьонуҥ уонна аймах-билэ дьонуҥ кыһамньыларынан, болҕомтолорунан уонна тапталларынан угуттан!
Айсен Николаев, Саха Өрөспүүбүлүкэтин Ил Дархана