Үөһээ Халымаҕа «вандал» тугу оҥорбутуй?

Ааптар: 
Бөлөххө киир:

Сороҕор киһи эмиэ да сонньуйар быһылааннара тахсааччылар. Күлүү күлүүнэн, ол эрэн, бэрээдэги, сокуону кэспит киһи ол оҥорбутугар син биир эппиэттииригэр тиийэр. 

edersaas.ru


Ол курдук, СӨ ИДьМ-тын пресс-сулууспата иһитиннэрбитинэн, Үөһээ Халыма полициятыгар биир маҕаһыын атыылааччыта эрийэн, оҕо спортивнай оскуолатыгар таас тохтоло суох алдьанар тыаһа иһиллэрин туһунан эппит.

Суһал-силиэстийэлиир бөлөх онно тиийэн, 22 саастаах итирик  уолу миэстэтигэр туппут. Бу уол оскуола 15 түннүгүн алдьатан, 30 тыһ. солк. суумалаах хоромньуну таһаарбыт.

Слесарь идэлээх уол полицейскайдарга түннүктэри тоҕо алдьаппытын быһаарбытынан, кини арыгыны бу оскуола икки сылы быһа өрөмүөҥҥэ турарыттан сылтаан иһэр, онон бу кини бырачыаһа үһү. Спордунан дьарыктаныан баҕалаах киһини бу бүтэн биэрбэт өрөмүөн харгыстаабыт үһү.

Бу уолга холуобунай дьыала «Вандаллааһын» ыстатыйанан тэриллибит, күлүгээннээһин иһин буолбатах.

Үөһээ Халыма улууһун спортивнай оскуолатын салалтата бу быһылаантан сиэттэрэн түмүк оҥостор ини — өрөмүөнү алыс уһатар күүппэтэх өттүттэн содуллаах.

Вера МАКАРОВА, «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0