Баатаҕайга 30 сытар миэстэлээх, күҥҥэ 180 киһи сылдьар поликлиникалаах, терапия уонна оҕо доруобуйатын көрөр салаалардаах балыыһа дьиэтэ үлэҕэ киллэрилиннэ. Улуус олохтоохторо АЛРОСА хампаанньаҕа, Үүнэр көлүөнэ пуондатыгар уонна өрөспүүбүлүкэ салалтатыгар махтанан хоһоон суруйдулар.
Үөhээ Дьааҥы сиригэр,
Чэбдигирии сылыгар,
Эмтиир кииммит киэң аана
Аһылынна алҕана —
Саңа сырдык балыыhа,
Хаамта онно эмп кыыhа.
Ыарыы ылгыыр аанньаллар,
Дьаңтан быыһыыр луохтурдар,
Түрүлүөнтэн куоппаттар,
Түбүк үөһэ сылдьаллар.
Саңа сырдык балыыhа —
Чэгиэн анал ытыhа.
Күнү-түүнү аахсыбат
Суһал көмө утуйбат,
Дьолу дьоҥҥо бэлэхтиир
Быраас дьантан соhуйбат.
Саңа сырдык балыыhа,
Күннээх эбит, сындыыhа.
Бэрэсидьиэн көмөтө,
Ийэ дойду өҥөтө,
Эрэл санаа сырдыга,
Үйэ уhуур аартыга-
Саңа сырдык балыыhа,
Үйэ уhуур күлүүhэ!
Нина
* * *
АЛРОСА хампаанньа
Күүстээх көмө оҥордо,
Ил Дархаммыт ыйыыта
Балыыhаны туттарда.
Дьааҥы улуус киинигэр
Аныгылыы саҥа дьиэ
Баатаҕайбыт күөнүгэр
Үс этээстиин дьэндэйдэ.
Үрүҥ халаат аанньалым,
Чараас сүрэх — эдьиийим
Үөрбүтүнэн көрсүөҕэ,
Дууhатынан эмтиэҕэ.
Ыраах муустаах байҕалтан
Чэбигирэр туhуттан,
Үйэлэрин уhатан
Ааhыахтара ыалдьыттаан.
Сөптөөх дьаhал ылыллан
Хоту сирбит кұннэннэ,
Бары тұмсэн биир тэҥҥэ
Ситтистибит этэҥҥэ.
Иван Рязанский-Дабаан уола. Дьокуускай
* * *
Ыарыһах эрэлэ
Ыарыһах махтала
Бу сырдык,
Бу уйан
Үтүөкээн эмчиккэ.
Түбүктээх түүннэргэ,
Сынньана түспэккэ,
Дьон, киhи туһугар
Кэмнэри киэргэтэр.
Ыарыыны, өлүүнү
Киэр кыйдыыр, кырыйар,
Оҕону төрөтөр,
Олоҕу уһатар.
Ыарыһах эрэлэ
Ыарыһах махтала
Бу сырдык,
Бу уйан
Үтүөкээн эмчиккэ.
Көҥүл Кыыс
Саҥа сырдык балыыһа — чэгиэн олох тирэҕэ!
Үөhээ Дьааҥы сиригэр,
Чэбдигирии сылыгар,
Эмтиир кииммит киэң аана
Аһылынна, алҕанна.
Саңа сырдык балыыhа —
Сырдык олох тырыма!
Ыарыы ылгыыр аанньаллар,
Дьаңтан быыһыыр луохтуурдар
Түрүлүөнтэн куоппаттар,
Түбүк үөһэ сылдьаллар.
Саңа сырдык балыыhа —
Чэгиэн олох тирэҕэ!
Күнү-түүнү аахсыбат —
Суһал көмө утуйбат.
Дьолу дьоҥҥо бэлэхтиир
Быраас дьантан соhуйбат.
Саңа сырдык балыыhа —
Күннээх эбит, олоҕо!
Бэрэсидьиэн көмөтө,
Ийэ дойду өңөтө,
Эрэл санаа сырдыга —
Саҥа сырдык балыыһа —
Үйэ уhуур аартыга,
Үйэ уhуур күлүүhэ!
Нина Рожина
* * *
Күммүт бүгүн таҕыста
Чэмэлийэ сырдатта
Аартыкага арылынна
Аламаҕай балыыһа.
Чэбдигирдии сылыгар
Чэйиҥ эрэ доҕоттоор
Үрүҥ Аанньал дьоммутун
Махталынан кууһуоҕун.
Этээстэрдээх эмтиэкэ
Эркинигэр киирэммит
Этэн тыынан тураммыт
Эһиэкэйдээн ылыаҕыҥ.
Саҥа сылга үктэнээт
Сайдар суолу арынаат
Саталлаахха махтанан
Саргыбытын тардыаҕын.
Оҕо төрүүр дьолунан
Олохпутун оҥостон
Орто дойду дьонунаан
Оһуохайдаан ылыаҕыҥ.
Эмтиир-томтуур дьоммутун
Көрөр-истэр быраастары,
Сылаас-амарах сурэхтэри
Сылаанньытан ылыаҕыҥ.
Түргэн-тарҕан биэлсэрдэри
Сырдык аанньал сиэстэрэлэри,
Сылаас астаах буобардары
Сырылаччы сыллыаҕыҥ.
Дьааҥы бүгүн үөрдэҕиэн
Дархан кэлэн эҕэрдэлээн
Бэлэх уунан, эрэл ылан
Дьоллоох суолу ыйдаҕыан.
Александр Стручков
Хаартыска http://ulus.media
+1
+1
+1
+1
+1
+1
+1