Доруобуйа Сүрүн

Үөһээ Бүлүүтээҕи киин балыыһаҕа үс саҥа массыына бэрилиннэ

Дойду үрдүнэн доруобуйа харыстабылын маҥнайгы  сүһүөҕүн сайыннарар бырагыраама чэрчитинэн, массыына пааркатын саҥардыы күүскэ барар.  Өрөспүүбүлүкэ улуустарынан саҥа УАЗ-санитаркалар тыырылланнар, нэһилиэнньэлээх пууннартан ыарыһахтары тиэйии-таһыы,  анаалыстары тиксэрии, эми-тому таһыы лаппа тэтимирэр кыахха киирдэ.

Ол курдук, Үөһээ Бүлүүтээҕи киин балыыһаҕа үс саҥа массыынаны биэрдилэр. Бу тимир көлөлөр улуустааҕы поликлиникаҕа (суоппар Алексеев Анатолий Михайлович), Тамалакааҥҥа  (суоппар Егоров Афанасий Алексеевич), Хороҕо  (суоппар Гоголев Юрий Васильевич) сүүрүөхтэрэ.  Суоппардарга массыыналарын күлүүһүн туттарыы  үөрүүлээх түгэнигэр балыыһа салалтатын аатыттан эҕэрдэ истиҥэ,  баҕа санаа бастыҥа этилиннэ.
Көнө суолу, сымнаҕас айаны, өрүү күөх уоту, cыыдам сырыыны баҕаран туран, ыарыы-дьаҥ халбарыйдын, өлүү-сүтүү тумуннун, ыарыһах аҕыйаатын диэн алгыс баһа сыаланна.

Ирина Абрахова,  Үөһээ Бүлүүтээҕи киин балыыһа пресс-сулууспата.

0
0