Үөһээ Бүлүү спортсмена Богдан Прокопьев Арассыыйаҕа пауэрлифтиҥҥэ иккис миэстэни ылла.
Бу үөрүүлээх сонуну Sportyakutia.ru иһитиннэрэр. Ол курдук, Тулаҕа алтынньы 6-11 күннэригэр Арассыыйа кубогар күрэхтэһии буолбут. Пауэрлифтинг күрэхтэһиитэ хас да көрүҥтэн турбут. Сытан эрэ штанганы өрө анньыыга, классическай өрө анньыыга, троеборьеҕа уонна классическай троеборьеҕа.
«Саҥа көлүөнэ» («Новое поколение») спорткомплекска Арассыыйа 56 эрэгийиэниттэн 400 курдук спортсмен кэлэн, ыйааһыннарынан бэйэлэрин кыахтарын, дьулуурдарын көрдөрбүттэр. Бары эрбии тииһин курдук эгил-тэгил киирсибиттэр. Классическай троеборьеҕа Богдан Прокопьевы сонно бэлиэтии көрбүттэр. Штанганы өрө анньан турууга, юниордарга кини Арассыыйа рекордун олохтообут. Троеборье түмүгүнэн, Богдан Арассыыйа Кубогын үрүҥ көмүс мэтээлинэн наҕараадаламмыт.
+1
+1
+1
+1
+1
+1
+1