Үөһээ Бүлүү олохтоохторо саҥа сынньанар сирдэннилэр

Ааптар: 
Бөлөххө киир:
Ил Дархан Айсен Николаев  бүгүн Үөһээ Бүлүү сэлиэнньэтигэр «Куорамыкы» күөл саҥа  набережнайын  үөрүүлээх аһыллыытын сиэригэр-туомугар кытынна. 

«Үөһээ Бүлүүгэ маннык бэртээхэй набережнай аһыллыбытыттан олус үөрдүм. Бу манан эрэ тохтоон хаалбакка, уопсастыбаннай сынньанар сирдэри оҥорууга өссө салгыы  үлэлиэххэ наада», — диэн туран,  Айсен Николаев Үөһээ Бүлүү сэлиэнньэтин  дьаһалтатын салайааччытыгар Максим Силигияновка Махтал сурук туттарда.

Улуус баһылыга Владимир Поскачин  бэйэтин этиитигэр  Айсен Николаевка туһааннаах бырайыактары олоххо киллэриигэ өйөбүлүн иһин махталын биллэрдэ.

Санатан эттэххэ, сэлиэнньэ дьаһалтата 2020 сылга «Формирование комфортной городской среды на территории Республики Саха (Якутия)» бырагырамааҕа түөрт бырайыагы, ол иһигэр «Куорамыкы» набережнайын тутуутун көмүскээбитэ. Судаарыстыбаннай бүддьүөттэн  66  мөл. солк. субсидия көрүллүбүтэ. Ону таһынан, олохтоох бүддьүөттэн 4 мөл. тахса  тыырыллыбыта.

Эбийиэк икки түһүмэҕинэн тутуллубут. Ол курдук, күөлү ыраастаабыттар, кумах куппуттар. Ону таһынан олохтоохторго анаан сынньанар сир оҥорбуттар. Бэдэрээтчит  «Охонос» ХЭУо.

edersaas.ru

+1
0
+1
0
+1
0
+1
0
+1
0
+1
0
+1
0