Үөһээ Бүлүүлэр Улуу Кыайыы күнүгэр күргүөмүнэн дьуохардаатылар (ФОТО)

Бүгүн  Үөһээ Бүлүү сэлиэнньэтин олохтоохторо күргүөмүнэн тахсан, Улуу Кыайыы күнүн дьуохардаан уруйдаатылар-айхаллаатылар.

Александр Тарасов, «Саха сирэ» хаһыат, www.edersaas.ru

Спиридон Борбуев, Үөһээ Бүлүү улууһун баһылыгын солбуйааччы:
— Кыайыы дьуохарын Аан Дархан этээччи Валентина Семенова уонна өрөспүүбүлүкэҕэ биллэр-көстөр бастыҥ эдэр этээччилэр таһаардылар. Биир түмүктээтэ даҕаны, атыттар салгыы иилэ хабан этэн истилэр.  Дьон-сэргэ олус астынна. Эрчимнээх, көтүтүүлээх дьуохар буолан, эппит-сииммит итийэн ылла. Урут оһуохайы дьуохар дииллэрэ, ону сөргүтээри гынабыт.