Үөһээ бүлүүлэр Сардаана Трофимоваҕа 520 тыһыынча солкуобайы бэлэхтээтилэр

Марафоҥҥа Арассыыйа чөмпүйэнээтигэр өрөгөйдөөх кыайыытын иһин уонна олимпийскай сезон иннинээҕи бэлэмҥэ диэн сүүрүүк Сардаана Трофимоваҕа төрөөбүт Үөһээ Бүлүү улууһун аатыттан 520 тыһыынча солкуобайдаах сэртипикээти тутта.

Сардаана Трофимованы бүгүн төрөөбүт нэһилиэгэр чиэстээтилэр. Наҕарааданы улуус баһылыга Владимир Поскачин туттарда. Маны сэргэ Сардаана тириэньэрин Татьяна Жиркованы эмиэ сэртипикээтинэн наҕараадалаатылар.

edersaas.ru