Сэтинньи сэттистиир күүрээннээх күнүгэр Саха сирин үгүс муннугар Өктөөп Өрөбөлүүссүйэтин 100 сылыгар анаммыт тэрээһиннэргэ тымныыттан толлубакка, эдэрдиин-эмэнниин бары сэлэлии хаамыстылар, миитиҥҥэ таҕыстылар.
Бу ураты тыыннаах бырааһынньыгы Үөһээ Бүлүү улууһун олохтоохторо үрдүк тэрээһиннээхтик, күргүөмнээхтик көрүстүлэр. Үөһээ Бүлүү сэлиэнньэтигэр 40-тан тахса тэрилтэ үлэһиттэрэ, биэнсийэлээхтэр 11 чаастан Өктөөп Өрөбөлүүссүйэтигэр сүгүрүйэн сэлэлии хаамтылар, ол ураты кэминээҕи олоҕу санаан ыллылар.
Улуус баһылыга Владимир Поскачин: «Өктөөп күнүнэн итии-истиҥ эҕэрдэ! Сахаларга автономияны бассабыыктар эрэ биэрэр кыахтаахтар этэ, онтукаларын да иһин бу бырааһынньык сахаларга чугас! Сэтинньи сэттистиир күүрээннээх күнүнэн!«, – диэн бэйэтин эҕэрдэ тылларын эттэ.
Сэлэлии хаамсыы кэнниттэн 3 чаастан «Хотун Бүлүү» монумеҥҥа Өктөөп 100 сылын уруйдуур уопсастыбаннас миитинэ ыытыллыа. 5 чаастан култуура дьиэтигэр кэнсиэрт буолуоҕа.
Александр ТАРАСОВ, edersaas.ru