Муус устар 7 күнүгэр Үөһээ Бүлүү бөһүөлэгэр «Үөһээ Бүлүү» хаһыат эрэдээксийэтин бирииһигэр 58-с төгүлүн чэпчэки атлетикаҕа эстафета ыытылынна.
edersaas.ru
Быйылгы эстафета улуустааҕы хаһыат тэриллибитэ 75 сыллаах үбүлүөйүгэр ананна.
Үөрүүлээх тэрээһиҥҥэ улуус баһылыгын солбуйааччы Люция Тойтонова, «Үөһээ Бүлүү» хаһыат эрэдээктэрэ Александр Тарасов, спорт управлениетын салайааччыта Николай Николаев, үөрэх управлениетын начаалынньыгын солбуйааччы Николай Платонов, күрэхтэһии кылаабынай судьуйата Геннадий Николаев тыл эттилэр.
Эстафета үс түһүмэхтээх, сүрүн, орто оскуолалар уонна улахан дьон. Тэрээһини спорт, үөрэх управлениелара уонна «Үөһээ Бүлүү» хаһыат тэрийдилэр уонна бириистэри туруордулар.
Бастакы бөлөххө сүрүн оскуолаларга 1 миэстэни лиссиэй-интэринээт, 2 миэстэни Балаҕаннаах, үсүһү оҥхойдор ыллылар. Иккис бөлөххө орто оскуолаларга бастакыны дүллүкүлэр, үһүс бөлөххө улахан дьоҥҥо бастакы миэстэни Мэйик хамаандата ылла.
Мария Васильева, Үөһээ Бүлүү, edersaas.ru сайтка анаан