Үөһээ Бүлүүгэ Кытайтан көмө кэллэ

Бөлөххө киир:

Сыстыганнаах коронавирус ыарыы маҥнай турарын саҕана, Кытай Хэйлунзян провинциятын Тунцзян куоратыгар Үөһээ Бүлүү улууһа 13000 харыстыыр медицинскэй мааскалары көмөҕө ыыппыта.

edersaas.ru

Бу кутталлаах ыарыы Арассыыйаҕа, ол иһигэр  Саха сиригэр тарҕаммытынан, аны кытайдар Үөһээ Бүлүү улууһугар  утары харда көмөнү оҥордулар. Ол курдук бу өрөбүллэргэ барыта 40 дьааһык, ол иһигэр этиловай испиир уонна хлордаах ыраастыыр антисептиктары  туттулар.


Бу кэлбит көмөнөн маҥнай утаа улууска тэриллибит обсерватордары хааччыйыахтара. Ону сэргэ улуус үөрэҕин тэрилтэлэригэр, ол иһигэр оскуолаларынан, дьуһуурунай уһуйааннарынан тарҕатыахтара.

Көмөнү Тунцзян куорат салалтата сатаан кыраныыссаны туоратан аҕалар кыаҕа суоҕуттан, Арассыыйа  куоратыттан атыылаһыннаран оҥордо. Бу үтүө майгы холобура «Доҕор доҕорун алдьархайга хаалларбат» диэн өс хоһоонун өссө төгүл бигэргэттэ.

Үөһээ Бүлүү улууһун дьаһалтатын пресс-сулууспата

+1
0
+1
0
+1
0
+1
0
+1
0
+1
0
+1
0