Үөһээ Бүлүүгэ «Ыччат сүбэтэ» тэрилиннэ

Ааптар: 
Бөлөххө киир:

Улуус дьаһалтатын иһинэн «Ыччат сүбэтэ» тэрилиннэ диэн улуус дьаһалтатын саайтыгар үөрүүлээх сонуннарын суруйаллар.

Сэбиэти тэрийии үлэтэ ааспыт сыл ахсынньы ыйыттан саҕаламмыта, Үөһээ Бүлүү, Үөдүгэй, Хоро, Дүллүкү, Боотулуу, Тамалакаан нэһилиэктэриттэн 21 ыччат куонкуруһу ааһан киирдэ. Мунньахха, үлэ күнүнэн сибээстээн, 11 киһи кэлэ сырытта. Атыттары кытары интэриниэт ситиминэн үлэлэһэ олоробут. «Ыччат сүбэтэ» кэмитиэттэргэ арахсан, араас хайысхаларынан ыччакка туһалаах өттүнэн — сүбэ-ама, быһаччы көмө оҥорор, ыччат санаатын туруорсар үлэлээх буолуоҕа. Ол курдук, предпринимательство, спорт, култуура, волонтерство о.д.а. кэмитиэттэрэ үлэлиэхтэрэ.

Биир сүрүн хайысхабыт — ыччаты үлэлээх оҥоруу буолуоҕа. «Ыччат сүбэтэ» ыччат отделын кытта быһа сибээстээх үлэлиэҕэ. Сүбэ бэрэссэдээтэлинэн Вилюй Титову куоластаан таллыбыт.
21 эрэ киһинэн муҥурдаммакка, баҕалаах ыччаты бииргэ үлэлэһэргэ ыҥырабыт. Ыччат сүбэтэ талыллыбытыттан олус үөрэбит. Сонун, ураты санаалаах, көрүүлээх ыччат түмсэн, бары көмөлөөтөхпүтүнэ, үлэбит таһаарыылаах буолуоҕа диэн эрэнэбит! — диэн суруллар.

+1
0
+1
0
+1
0
+1
0
+1
0
+1
0
+1
0