Уопсастыба

Үөһээ Бүлүүгэ уопсайа коронавирус дьаҥын икки түбэлтэтэ бэлиэтэннэ

Үөһээ Бүлүү улууһугар коронавирус тарҕаныытын сэрэтэр улуустааҕы штаб иһитиннэриитэ.

edersaas.ru

Үөһээ Бүлүү улууһугар ыам ыйын 16 күнүгэр, 1 киһи анаалыһа коронавирус ыарыыта баар диэн көрдөрбүтүнэн, чугастык алтыспыт дьоно обсерваторга киллэриллибиттэрэ. Коронавирустаабыт диэн эрдэ инфекционнай балыыһаҕа киллэриллибит киһи, ыарыы симптоматиката суоҕунан, дьиэтигэр амбулаторно эмтэнэр уонна күүстээх кэтэбилгэ сылдьар. Анаалыстарын түмүгүн күүтэбит.
Ыам ыйын 21 күнүгэр, эбии 1 киһиэхэ, Үөһээ Бүлүү бөһүөлэгин олохтооҕор, коронавирус ыарыыта баар диэн бигэргэммитэ. Кини билигин кэргэнин кытары инфекционнай балыыһаҕа сытан, эмтэниини ааһар. Билигин техникум уопсайыгар тэриллибит обсерваторга 10 киһи сытар, 1 киһи тумуу сибикитинэн, туспа анал отделга көһөрүллэн, эмтэниини ааһар.
Бүгүҥҥү туругунан бэйэни хааччахтаан олоруу режимигэр дьиэлэригэр 32 киһи олорор. Балартан икки киһи Россия атын регионнарыттан кэллилэр.
Ыам ыйын 22 күнүгэр, куоракка эбии ыытыллыбыт 40 анаалыс түмүгүн сотору кэминэн күүтэбит.

Үөһээ Бүлүү улууһугар коронавирус тарҕаныытын сэрэтэр улуустааҕы штаб иһитиннэриитэ

0
0

Добавить комментарий