Үөһээ Бүлүүгэ паром сырыыта бүгүҥҥүттэн, ыам ыйын 20 күнүттэн, саҕаланна.
edersaas.ru
Бэҕэһээ паромнар туруктарын бэрэбиэркэлиир, тиксэр сирин мууһуттан-хаарыттан тыраахтарынан ыраастыыр үлэлэр ыытыллыбыт эбит буоллахтарына, бүгүҥҥүттэн бэрэбиэркэлиир сырыылары оҥорон көрөн, харгыстар суохтар диэн иһитиннэрэн, сылдьарга көҥүл ыллылар.
Ол эрээри сыстыганнаах коронавирус ыарыы тарҕаныытын сэрэтэр, нэһилиэнньэни харыстыыр сыаллаах СӨ Ил Дархана Айсен Николаев ыам ыйын 18 күнүгэр федеральнай сокуон 52-с нүөмэрдээх уурааҕар олоҕуран таһаарбыт дьаһалынан, паромнар ыам ыйын 31 күнүгэр диэри дьону тиэйиилэрэ хааччахтанна. Ол курдук, паром таһаҕастаах массыыналары эрэ туоратыыга сылдьыаҕа. Маны таһынан, паромунан сырыыга доруобуйаларынан ыарахан туруктаах дьону, суһал эмтэниини ирдиир ыарыһахтары, олоҕу-дьаһаҕы хааччыйар үлэлээх дьону туоһулуур докумуоннардаах буоллахтарына тиэйии көҥүллэнэр.
Онтон Түүкээн үрэҕи туоратар понтуон муостаны быһа барыллаан ыам ыйын 23-25 күннэригэр түһэрэри былаанныыллар.
Үөһээ Бүлүү улууһун дьаһалтатын пресс-сулууспата
edersaas.ru
Хаартыска интэриниэттэн