Бу күннэргэ социальнай ситимнэринэн Үөһээ Бүлүү улууһугар ыытыллыахтаах Олоҥхо ыһыаҕын кэмигэр электромобиллар дьону таһыыга үлэлииллэрин туһунан сонун тарҕанна.
Тугун-ханныгын билээри Үөһээ Бүлүүтээҕи промышленность, тутуу уонна инфраструктураны сайыннарыы управлениетын салайааччыта Николай Дмитриевы кытары сибээскэ тахса сылдьыбыппытыгар:
— Олоҥхо ыһыаҕын кэмигэр дьону таһыыга электромобиллары үлэлэтэр былааннаахпыт. Уопсайа аҕыс электромобиль үлэлиэҕэ. Билиэт сыаната орто сиэринэн буолуоҕа,— диэн эттэ.
Ол курдук электромобилларынан массыына стоянкатыттан түһүлгэҕэ диэри дьону таһыахтара.
Санатан эттэххэ, бэс ыйын 20-21 күннэригэр, Үөһээ Бүлүү улууһугар Саха АССР тэриллибитэ 100 уонна Саха сиригэр Ийэ сылларыгар аналлаах өрөспүүбүлүкэтээҕи XV Олоҥхо ыһыаҕа киэҥ далааһыннаахтык ыытыллыаҕа.
edersaas.ru