Үөһээ Бүлүүгэ Оҕо санаторийын базатыгар обсерватор тэрилиннэ

Үөһээ Бүлүү улууһугар бүтүн аан дойдуну аймаабыт сыстыганнаах коронавирус COVID-19 ыарыыны сэрэтэр, нэһилиэнньэҕэ тарҕаппат туһугар улууска тэриллибит оперативнай штаб дьүүллэһиитинэн тустаах миэрэлэр ылылыннылар.

edersaas.ru

Улууспутугар кулун тутар 18 күнүттэн муҥутуур бэлэм буолуу режима олохтонно.
Кулун тутар 18 күнүттэн улуус оскуолаларыгар үөрэх тохтотулунна.
-Кулун тутар 19 күнүттэн муус устар 10 күнүгэр диэри култуура уонна спорт тэрилтэлэрин маассабай тэрээһиннэрэ тохтотулунна.
-Оҕо санаторийын базатыгар обсерватор тэрилиннэ.
-Обсерваторга эбии техникум уопсайа бэлэмнэннэ.
-Биирдиилээн тэрилтэлэр үлэһиттэрэ дьиэлэригэр олорон үлэлииллэригэр көҥүллүүргэ, ыраах айаҥҥа үлэлии барыыны тохтоторго.
-Тэрилтэлэргэ, общественнай сирдэргэ харыстыыр мааскалардаах сылдьыы ирдэнэр.
-Нэһилиэнньэҕэ харыстыыр мааскалары тигии саҕаланна.
-Оскуола оҕолоро общественнай сиргэ сылдьыылара хааччахтанна. Төрөппүттэр кытаанах хонтуруолга ылалларыгар.
-Кыраныысса таһыгар, ордук ыарыы тыҥаан турар сирдэринэн айаннаан кэлбит дьоннор эппиэтинэстээхтик сыһыаннаһан, олохтоох балыыһаны кытта сибээстэһиэхтээхтэр.
-Температурата тахсыбыт киһи тутатына суһал көмө 103 нүөмэригэр биллэрэр, дьиэтигэр олорор.
-Үлэлии турар тэрилтэлэргэ үлэһиттэр температураларын кэмнииллэр, тэрилтэлэр үлэлиир сирдэрин дезинфекциялыыр үлэни ыыталларыгар.
-Устудьуон оҕолордоох төрөппүттэр ким ханнык чыыһылаҕа кэлбитин олохтоох дьаһалталарга биллэрэргитигэр.
-Дьону таһар суоппардарга массыыналарын хас сырыы кэнниттэн ыраастыырга.
-Элбэх кыбартыыралаах дьиэлэр подъезтарыгар күннэтэ дезинфекция үлэтэ ыытыллыахтааҕын, хаста үлэ барбытын уонна хас подъезд хабыллыбытын оперативнай штабка биллэрэргитигэр.
-Элбэх дьон мустар сирдэригэр сылдьартан туттунаргытыгар.
-Нэһилиэк баһылыктарыгар бородууктанан уонна булгуччулаах туттар малларынан хааччыллыы боппуруоһугар үлэлэһэргэ.
-Нэдиэлэ аайы бородуукта, табаар сыаналарын уонна саппааһын кэтээн көрүү үлэтэ ыытыллар
-Батсаап уонна инстаграм ситимнэринэн дьиҥэ суох сураҕы тарҕатар дьоҥҥо полиция өттүттэн күүстээх кэтээн көрүү үлэтэ барар, тутуллубут дьон административнай уонна холуобунай эппиэтинэскэ тардыллыахтара.

Бэйэҕитин, чугас дьоҥҥутун харыстаан, үчүгэйдик аһыы — сии сылдьыҥ, илиигитин кичэйэн, сотору-сотору суунуҥ, мааската кэтэ сылдьыҥ!
⠀
Доруобай буолуҥ!

Оперативнай штаб телефоннара:

+7 (914) 273-98-48,
+7 (914) 265-11-13.

Саха сирин доруобуйа харыстабылын министиэристибэтин суһал нүөмэрэ — 8 8001001403.

Үөһээ Бүлүү дьаһалтатын оперативнай штаба