Саха сиригэр РФ Судаарыстыбаннай Дууматын дьокутааттарын быыбарын сэргэ, кэккэ улуустарга нэһилиэк баһылыктарын талыы буолла.
Холобур, Үөһээ Бүлүү улууһугар Нам, Далыр уонна Үөдүгэй нэһилиэктэригэр баһылыктары талар быыбарга дьон көхтөөхтүк кытынна. Быыбар түмүгүнэн, Намҥа урукку баһылык Александр Кардашевскай (70,06 % куолаһы ылан), Далырга эмиэ урукку баһылык Георгий Иванов (50,46 % куолаһы ылан) уонна Үөдүгэйгэ эдэр киһи Альберт Иванов (46,56 % куолаһы ылан) кыайыыны ситистилэр.
Баартыйаларынан этэр буоллахха, улуус үрдүнэн куоластаабыт нэһилиэнньэттэн (барыта 69,27 %) «Биир ньыгыл Арассыыйаҕа” 52,43 %, КПРФ-ка 27,10 % уонна “Сиэрдээх Арассыыйа” туһатыгар 9,49 % быыбардаабыттар. Биир мандааттаахтарга, Федот Тумусовка 29,99 %, Петр Черкашиҥҥа 19,47 %, Анатолий Кырдьаҕааһапка 18,06 % уонна Петр Аммосовка 13,22 % куоластаабыттар.