Үөһээ Бүлүүгэ, этэргэ дылы, Сэбиэскэй саҕанааҕы эргэ баанньыгы аныгы олоххо сөп түбэһиннэрэн, киһи билбэт гына саҥардан оҥорбуттарыттан олохтоохтор олус үөрдүлэр, астыннылар.
Үөһээ Бүлүү сэлиэнньэтин баһылыга Максим Силигиянов: «Эргэ баанньык былырыын Саҥа дьыл кэнниттэн сабыллыбыта. Ол кэнниттэн саҥардан оҥоруу ыытыллан, бу үлэлээн эрэр. Быйыл эбийиэги саҥардыыга Үөһээ Бүлүү сэлиэнньэтин бүддьүөтүттэн 5 мөл. солк, улуус киэниттэн 3 мөл. 300 тыһ. солк. көрүллүбүтэ. Онон барыта 8 мөл. 300 тыһ. солк. үлэ үмүрүтүлүннэ. Ити аҥаара эрэ аһылынна, хаалбыт аҥаарыгар үлэ бара турар, бассейннаах буолуоҕа. Аныгы сайдыылаах кэм быһыытынан хас биирдии улууска хайаан да үчүгэй баанньык баар буолуохтаах. Итини тэҥэ, эһиил улууспутугар Олоҥхо ыһыаҕа буолар, онно анаан бэлэмнэнии күүскэ баран эрэр.
Түгэнинэн туһанан, баанньык саҥардыллан үлэҕэ киирэригэр көмөлөспүт, сүбэ-ама биэрбит улууспут баһылыга Владимир Семенович Поскачиҥҥа, улуус дьокутааттарын Сэбиэтин бэрэссэдээтэлэ Николай Николаевич Николаевка уонна тутааччыларга ис-сүрэхпиттэн махталбын тиэрдэбин!”, — диэн иһитиннэрдэ.
edersaas.ru