Үөһээ Бүлүүгэ Чапаев учаастагар тахсыбыт баһаарга 100-чэ киһи үлэлиир

Социальнай ситимнэргэ Үөһээ Бүлүү Кырыкый нэһилиэгин Чапаев учаастагар үөһээнэн суһуллар ойуур баһаара чугаһаабытын туһунан тарҕаммыта.

Чапаев учаастага — дьон олорор бөһүөлэгэ буолбатах, дьон оттуур баазата. Бу балаһыанньаны быһааран, СӨ Экологияҕа министиэристибэтэ тустаах эппиэти биэрдэ:

— Чапаев учаастакка 100-тэн тахса киһи, ол иһигэр 43 «Авиалесоохрана» тэрилтэтин баһаарынай сулууспатын парашютист-десантниктара , 14 «Якутлесресурс» ГАУ уонна оройуон лесничествотын үлэһитэ, РФ ЫБММ 4 быыһааччыта, 50 олохтоох дьон, 5 сири арендалааччылар уонна 11 тиэхиньикэ үлэлээтэ.

Суһал ыстаап.