Үөһээ Бүлүүгэ үс саҥа оҕо уһуйаана үлэҕэ киириэҕэ

Бөлөххө киир:

Үөһээ Бүлүү сэлиэнньэтигэр судаарыстыбаннай-чааһынай бииргэ үлэлээһин (СЧҮ) бырагырааматынан 240 уонна Өргүөт, Далыр нэһилиэктэригэр «Мин Сахам сирэ – XXI үйэҕэ» үтүө дьыала хамсааһын чэрчитинэн, 50 миэстэлээх оҕо уһуйааннарын тутуу күүскэ бара турар.

edersaas.ru

Эбийиэктэри тутууну улуус, нэһилиэк дьаһалталара хонтуруоллууллар. Оттон миэбэлинэн, оонньуурдарынан, литэрэтиирэнэн хааччыллыыны улуустааҕы үөрэх управлениетын салалтата сүрүннүүр.

Спиридон Борбуев, Үөһээ Бүлүүтээҕи үөрэх управлениетын начаалынньыга:

Үөһээ Бүлүү сэлиэнньэтигэр 240 миэстээх оҕо уһуйаанын ис тутулугар үөрэх салалтатын өттүттэн кэккэ уларытыылары киллэрбитин тута сылдьар «СахаАльянсСтрой» тэрилтэ ылынна. Нэһилиэк дьаһалтатын баһылыктара, дьокутааттара саҥа тутууларга кыттыһан, миэбэлинэн  хааччыйыыга бииргэ үлэлииллэрэ махталлаах дьыала. Бу атын нэһилиэктэр баһылыктарыгар холобур буолар.
Үөһээ Бүлүү сэлиэнньэтин уонна Өргүөт нэһилиэгин оҕо уһуйааннара ахсынньыга, оттон Далыр киэнэ сэтинньигэ үлэҕэ киириэхтэрэ.

Александр ТАРАСОВ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0