Үөһээ Бүлүүгэ 103 саастаах ытык кырдьаҕас биэрэпискэ нэһилиэгэр бастакынан кытынна
Бу күннэргэ нэһилиэнньэ биэрэпиһэ ыраах, сылдьарга эрэйдээх сирдэргэ ыытылла турар. Балаҕан ыйын 26 күнүнээҕи туругунан, биэрэписчиттэр 17534 дьиэҕэ сылдьан, 59293 киһини биэрэпистээтилэр.
Үөһээ Бүлүү улууһун Дүллүкү сэлиэнньэтигэр биэрэпискэ 103 саастаах ытык кырдьаҕас Елена Федоровна Евдокимова нэһилиэгэр бастакынан кытынна. Елена Федоровна тыыл бэтэрээнэ, сэрии огдообото, Дүллүкү уонна Үөһээ Бүлүү улууһун бочуоттаах олохтооҕо. Ытык кырдьаҕас номнуо нэһилиэнньэ 11-с биэрэпиһигэр кыттыбытын туһунан госкомстат иһитиннэрдэ.
Манна эбэн эттэххэ:
2010 сыллаахха ыытыллыбыт биэрэпис түмүгүнэн, өрөспүүбүлүкэҕэ 100 саастарын ааспыт 15 киһи баара бэлиэтэммитэ.
edersaas.ru
+1
+1
+1
+1
+1
+1
+1