Маны аах Уопсастыба

Үөһээ Бүлүүгэ «100 сыл оҕолоро» хапытаалынан 51 ийэ туһанна

Үөһээ Бүлүү улууһугар 51 ийэ «100 сыл оҕолоро» тус сыаллаах хапытаалы туһаннылар. Ол курдук элбэх оҕолоох ийэ Нарыйа Самсонова бу хапытаалынан туһанан массыына атыыласпыт.

— Кулун тутар 5 күнүгэр төрдүс оҕобун оҕоломмутум. Элбэх оҕолоох ыал буоламмыт биһиэхэ массыына наһаа наада этэ. Инньэ гынан кэргэммин кытта сүбэлэһэн баран, “Пробокс” массыына атыылаһарга быһаарыммыппыт. Бастаан баантан кирэдьиит ылан массыына атыыласпыппыт. Онтон массыынам докумуонун барытын бэйэм ааппар оҥорторбутум. Бу докумуоннары уонна атыылаһыы дуогабарын социальнай көмүскэл управлениетыгар илдьэн биэрбитим. Уон хонугунан 100 тыһыынча счеппар түспүтэ. Онон мин кирэдьииппин саппытым. Биһиги дьиэ кэргэн өрөспүүбүлүкэбит аҕа баһылыгар Айсен Сергеевич Николаевка махтала муҥура суох. Бу элбэх оҕолоох ийэлэргэ уонна эдэр ыалга Ийэ сылынан улахан көмө буолар.

«Сүүс сыл оҕолоро” хапытаалы дьиэни-уоту тупсарыыга, үөрэххэ, оҕо доруобуйатын бөҕөргөтүүгэ уонна сынньалаҥҥа, массыына атыылаһарга, хаһаайыстыбаны хаҥаттарга туһаныахха сөп.

Ульяна ЗАХАРОВА.

1
0
Telegram @edersaas20