Үөһээ Бүлүү дьоно Исидор Бараховка сүгүрүйдүлэр

Ааптар: 
Бөлөххө киир:

Үөһээ Бүлүү улууһугар Өрөспүүбүлүкэ күнүгэр анаммыт дьоһун дьаһаллар Харбалаах нэһилиэгэр саха чулуу уола, биллиилээх судаарыстыбаннай уонна политическай диэйэтэл Исидор Никифорович Барахов пааматынньыгар тэриллибит миитинтэн саҕаланнылар.

Үөрүүлээх миитиҥҥэ ОДьКХ уонна энергетика миниистирэ Дмитрий Садовников, Ил Дархан уонна Бырабыыталыстыба дьаһалтатын олохтоох салайыныы боппуруостарыгар департаменын салайааччы Афанасий Владимиров, доруобуйа харыстабылын миниистирин бастакы солбуйааччы Егор Прокопьев, экономка миниистирин бастакы солбуйааччы Владимир Сивцев, тыа хаһаайыстыбатын миниистирин солбуйааччы Прокопий Николаев, бырабыыталыстыба иһинэн судаарыстыбаннай сакаасчыт сулууспатын генеральнай дириэктэрэ Петр Кушкирин састааптаах бырабыыталыстыба дэлэгээссийэтэ кыттыыны ылла.

ОДьКХ уонна энергетика миниистирэ Дмитрий Садовников өрөспүүбүлүкэ салалтатын аатыттан улуус олохтоохторун Өрөспүүбүлүкэ күнүнэн итиитик-истиҥник эҕэрдэлээтэ. Өрөспүүбүлүкэ олоҕун-дьаһаҕын, кэскиллээх былааннарын туһунан кылгастык сырдатан туран, дьолу-соргуну, ситиһиилэри баҕарда. Үөһээ Бүлүү улууһун дьаһалтатын баһылыга Владимир Поскачин Өрөспүүбүлүкэ күнэ Саха сирин бары олохтоохторун түмэрин, сомоҕолуурун, бу күнү улуус олохтоохторо хас нэһилиэк ахсын өрөгөйдөөхтүк бэлиэтииллэрин туһунан эттэ диэн улуус хаһыатын эрэдээктэрэ Александр Тарасов иһитиннэрэр.


Раиса Сибирякова, «Саха сирэ» хаһыат, edersaas.ru.

+1
0
+1
0
+1
0
+1
0
+1
0
+1
0
+1
0