Ыйдааҕы харчынан төлөбүр (ЕДВ) олунньу 1 күнүттэн 2,5 бырыһыан үрдүөҕэ.
Бу төлөбүрү Арассыыйа үрдүнэн 15,4 мөлүйүөн киһи ылар. Бу манна үлэ, тыыл бэтэрээннэрэ, инбэлииттэр, байыаннай дьайыылар бэтэрээннэрэ, Сэбиэскэй Сойуус, Арассыыйа Дьоруойдара, Социалистическай Үлэ Дьоруойдара, радиация, репрессия сиэртибэлэрэ, уо.д.а. киирсэллэр. Категорияларынан көрөн, төлөбүр суумата араастаһар.
Биэнсийэ пуондата бу төлөбүргэ 450,5 миллиард солкуобайы тыырары былаанныыр. Федеральнай чэпчэтиинэн туһанар дьон социальнай өҥөнү (НСУ) харчынан дуу, өҥөнөн дуу ылалларын бэйэлэрэ талаллар. Бу НСУ ыйдааҕы харчынан төлөбүргэ киирэ сылдьар.
Олунньуттан НСУ суумата 1057 солкуобайга тэҥнэһиэ. Ол иһигэр эминэн хааччыллыыга – 828 солк., санаторийга, профилакторийга путевка ыларга – 128 солк., эмтэнэ барарга тырааныспарга ороскуоту сабыыга – 118 солк. тыырыллар.
Үлэ бэтэрээннэригэр туох төлөбүр оҥоһулларый?
— Ыйдааҕы харчынан төлөбүр (ЕДВ) үлэ бэтэрээннэригэр — 1057 солк. (966 солк. этэ);
— 60-тан үөһэ саастаах үлэлээбэт үлэ бэтэрээннэригэр үс сылга биирдэ Саха сирин иһинээҕи санаторийга эмтэнэ барарыгар путевка 80 бырыһыана харчынан, эбэтэр путевка 20 бырыһыана чэпчэтиллэн бэриллэр.
— хомунаалынай өҥөҕө төлөбүр — 1604 солк.
Биллэн турар, ЕДВ аҕыйах солкуобайынан үрдээтэ буолан баран, бу төлөбүр сыл аайы үрдүүр кыраапыктаах.
Ангелина Васильева, “Саха сирэ” хаһыат, edersaas.ru