Эдьигээҥҥэ тоҕус киһи коронавируска сутулунна
Олох-дьаһах

Эдьигээҥҥэ тоҕус киһи коронавируска сутулунна

Бүгүн, алтынньы 16 күнүгэр, СӨ Бырабыыталыстыбатын Бэрэссэдээтэлин солбуйааччы Ольга Балабкина коронавирус тарҕаныытын уопсай балаһыанньатын быһа биэриигэ билиһиннэрдэ.

edersaas.ru

Ааспыт сууккаҕа өрөспүүбүлүкэ үрдүнэн өссө 133 киһи коронавирустаата. Олортон 85 киһи Дьокуускайга ыалдьыбыт.

Улуустарга: Эдьигээҥҥэ – тоҕус, Сунтаарга – сэттэ, Тааттаҕа уонна Уус Алдаҥҥа – биэстии, Алдаҥҥа уонна Нерюнгрига – түөртүү киһи ыалдьыбыт. Мэҥэ Хаҥаласка, Аллайыахаҕа, Аллараа Халымаҕа, Аммаҕа,Үөһээ Бүлүүгэ, Намҥа, Ньурбаҕа, Томпоҕо, Усуйаанаҕа, Чурапчыга биирдии киһи ыарыыга сутуллубут.

Ааспыт сууккаҕа, хомойуох иһин, биир киһи COVID-19 ыарыыттан тыына быстыбыт.

Сууккаҕа 5 386  лабораторнай чинчийии ыытыллыбыт.

edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

5 × 1 =