Эдьигээн оройуонун Кыстатыам нэһилиэгэр үбүлүөй ыалдьыттара коронавирус дьаҥар маассабайдык сыстыбыттар. Бу туһунан Ольга Балабкина брифинг кэмигэр иһитиннэрдэ.
Эрэгийиэннээҕи суһал ыстаап салайааччытын солбуйааччы Ольга Балабкина брифинг кэмигэр иһитиннэрбитинэн, нэһилиэккэ бырааһынньык кэмигэр элбэх киһи дьаҥҥа хаптаран ыалдьыбыт. «Ыарыы тарҕаныытын сүрүн төрүөтүнэн дьиэ кэргэн иһигэр үбүлүөйү бэлиэтээһин буолбут», — диэн Ольга Валерьевна эттэ. Ыалдьыбыт дьону сорохторун нэһилиэккэ баар биэлсэр пуунугар эмтииллэр, сорохторун Эдьигээҥҥэ балыыһаҕа илдьибиттэр.
«Нэһилиэк тэйиччи сытар. Ол эрээри дьаҥ иккистээн өрө туруон сөп», — диэн Ольга Балабкина бэлиэтиир. Кини Саха сирин олохтоохторо бары санитарнай ирдэбили тутуһалларыгар ыҥырар.
Ульяна ЗАХАРОВА.