Информационнай уопсастыбаны сайыннарарга Федерация Сэбиэтин бириэмэннэй хамыыһыйатын көҕүлээһининэн 2016 сылтан ыла «Эдэрдэр дойдулара» (www. Страна молодых.рф) оҕолорго уонна ыччаттарга национальнай рейтинг олоххо киллэриллибитэ.
edersaas.ru
Национальнай рейтинг коммерческайа суох тэрилтэлэргэ РФ Президенин гранынан тэриллибитэ.
Рейтинг соругунан үөрэнээччилэргэ олох аныгы көстүүлэригэр, түгэннэригэр ыраахтан үөрэтиини сайыннарыы, талааннаах оҕолору федеральнай таһымнаах быһаарыылары ыларга кытыннарыы буолар.
2016-2017 сс. үөрэх дьылыгар бырайыак дьаһалларыгар РФ бары субъектарыттан уонна атын дойдулартан 630 тыһыынчаттан тахса оҕо-ыччат кытынна. Быйылгы үөрэх дьылыгар 1 мөлүйүөнтэн тахса оҕону хабыы былааннанар.
Национальнай рейтинг дьаһаллара босхо ыытыллаллар.
2017-2018 сс. ыытыллар дьаһаллар
Ыччат предпринимательствотыгар аан дойдутааҕы V квест
Сыала-соруга – 7-22 саастаах оҕолор ортолоругар предпринимательствоны билиһиннэрии, киэҥник тарҕатыы. Оҕолор бэйэлэрэ хаһан баҕарар предпринимательство дьыалатын төрүттэригэр онлайн тиһигинэн үөрэниэхтэрин сөп. Үөрэх кэмигэр ылбыт баалларын түмүгүнэн муниципалитет, Арассыыйа субъегын уонна СНГ дойдуларын таһымыгар кыайыылаахтар быһаарыллыахтара. Кыттааччыларга барыларыгар квесткэ кыттыбыттарын туоһулуур сертификат бэриллиэҕэ.
Сайтара: www.bizteen.ru
«Онфим» гражданскай үөрэххэ Бүтүн Арассыыйатааҕы III куонкурус
Сыала-соруга – Арассыыйа оҕолорун гражданскай үөрэхтээһиҥҥэ таһымнарын үрдэтии.
Куонкуруска Арассыыйа историятыгар, судаарыстыба төрүттэригэр, быраапка, парламентаризмҥа уонна обществознаниеҕа биктэриинэлэр, кроссвордардар, эсселэр уонна уруһуйдар киириэхтэрэ.
Cайтара: www.онфим.рф
«Сетевичок» аан дойдутааҕы бырайыак дьаһалларын серията
Эмиэ онлайн-биктэриинэлэр, уруһуй куонкурустара, эсселэр, ыйытыктар, тестэр киирэллэр.
www.cетевичок.рф
Надежда ЕГОРОВА, «Саха сирэ» хаһыат, edersaas.ru