Муус устар 14-15 күннэригэр Манчаары Баһылай аатынан спорт национальнай көрүҥнэрин киинигэр 1997-2000 сыл төрүөх уолаттар ортолоругар саха многоборьетыгар өрөспүүбүлүкэтээҕи турнир ыытыллар.
Бу маннык хабааннаахтык аан бастаан ыытыллар күрэхтэһиигэ уоланнар биэс көрүҥҥэ – “үс төгүл үскэ”, тутум эргииригэр, хапсаҕайга, 400 м сүүрүүгэ, мас тардыһыытыгар күрэс былдьаһыахтара. “Дыгын оонньууларын” сэттэ төгүллээх кыайыылааҕа Иван Белолюбскай кылаабынай судьуйанан үлэлиэҕэ.
Сүүрүүттэн ураты көрүҥнэргэ күрэстэр Манчаары Баһылай аатынан спорт национальнай көрүҥнэрин киинигэр ыытыллыахтара. 400 м сүүрүү “Дохсун” футбол манеһыгар буолуоҕа.
Күрэхтэһии бырагыраамата
Муус устар 14 күнэ, субуота
09:00 – 10:00 – мандат хамыыһыйата, кыттыылаахтары регистрациялааһын. 10:30 – 13:00 — «Үс төгүл үскэ», «Тутум эргииригэр» күрэхтэһиилэр.
13:00 – 14:00 – тохтобул
14:00-14:30 – күрэхтэһиини үөрүүлээхтик арыйыы
14:30 – хапсаҕайга күрэс.
Муус устар 15 күнэ, өрөбүл
11:00 – 400 м сүүрүү (“Дохсун ФМ)
14:00 – мас тардыһыы
16:00 – кыайыылаахтары наҕараадалааһын
Роман ПОПОВ, «Саха сирэ» хаһыат, edersaas.ru