Муусука Үрдүкү оскуолатын аҕыс уһуйуллааччыта сэтинньи бүтүүтэ Москваҕа үрдүк үөрэх кыһаларын икки ардыларынан ыытыллар күрэхтэһиигэ кытта барыахтара.
Бу иннинэ Муусука Үрдүкү оскуолатыгар куонкурус бастакы түһүмэҕэ ыытылынна. Барыта 12 кыттааччыттан аҕыс бастыҥы таллылар. Күрэхтэһии сэтинньи 22 күнүттэн саҕаланыаҕа. Күрэхтэһэ барар аҕыс эдэр ырыаһыт Дьокуускайга национальнай библиотека историческай саалатыгар кэнсиэртээтилэр.
Русалида Донская, Муусука Үрдүкү оскуолатын иккис кууруһун устудьуона:
— Мин иккис кууруска Альбина Михайловна Борисова кылааһыгар ырыаҕа үөрэнэбин. Бүлүүтээҕи гимназияны бүтэрбитим, оҕо эрдэхпиттэн муусука оскуолатыгар дьарыктаммытым. Дьокуускайга муусука кэллиэһэр үөрэммитим, онтон үрдэтинэ сылдьабын. Ааспыт күрэхтэһиигэ үһүс истиэпэннээх лауреат буолбутум. Сахалыы уонна нууччалыы ыллыыбын.
Айтана Аммосова, edersaas.ru
Василий Иннокентьев хаартыскаҕа түһэриилэрэ.
+1
+1
+1
+1
+1
+1
+1