Эдэр ыалга, ол эбэтэр дьиэ кэргэҥҥэ 35 саастарын иккиэн ситэ илик буоллахтарына, эбэтэр 35 сааһын ситэ илик соҕотох төрөппүккэ маҥнайгы оҕолоро төрөөһүнүгэр (үс ыйын ситэ илик оҕону иитиэх ылыыга), оҕо малын-салын, аһылыгын ылыыга анаан биирдэ көмө үп көрүллэр.
2022 сылга бу төлөбүр кээмэйэ хас биирдии ыалга туспа ананар.
Биирдэ бэриллэр үп ананар:
— Төрөппүттэриттэн биирдэстэригэр,
— Иитэ ылааччылартан биирдэстэригэр,
— Соҕотох төрөппүккэ.
1. Саха Өрөспүүбүлүкэтигэр олорор буоллаҕына;
2. Кэргэнниилэр иккиэн 35 саастарын ситэ илик буоллахтарына;
3. Төрөөбүт оҕо маҥнайгы буолар түгэнигэр (иитиэх ылыар оҕолоро үс ыйын ситэ илик буоллаҕына);
4. Оҕо төрүөҕүттэн биир сыл иһигэр көмө харчыны ылыыга сайаапка түһэрдэхтэринэ.
Төрөөбүт оҕо төрөппүттэрэ олорор сирдэригэр регистрацияны ааһыахтаах. Ыалга игирэлэр эбэтэр иккиттэн элбэх оҕо төрөөтөҕүнэ биирдэ бэриллэр үп хас биирдиилэригэр ананар. Оҕо төрүөҕүттэн биир сыл аастаҕына көмө үп ылар быраап сарбыллар.
Төлөбүрү судаарыстыбыннай уонна муниципальнай өҥөлөрү түмэр «e-yakutia.ru» порталга сайаапка түһэрэн ылыахха сөп.
edersaas.ru