Эдэр табаһыттар олорор усулуобуйаларын тупсаралларыгар 1 мөлүйүөн солкуобайы биэриэхтэрэ. Сайаапкалары хомуйуу номнуо саҕаланна. “Эдэр табаһыт” пилотнай бырайыак “2020-2024 сс. Арктика зонатын уонна аҕыйах ахсааннаах хотугу норуоттары сайыннарыы” судаарыстыбаннай бырагыраама чэрчитинэн үлэлиир.
edersaas.ru
Бу бырайыакка Арктика 13 оройуонуттан 35-гэр диэри саастаах, табаны иитиигэ 4 сылтан аҕыйаҕа суох ыстаастаах эдэр дьон кытталлар. Төлөбүрү ылан баран, ыстаадаҕаөссө 5 сыл үлэлиэхтээх. Бу сыалга быйыл эрэгийиэннээҕи бүддьүөттэн 11 мөлүйүөн солкуобайы көрдүлэр.
Сайаапканы уонна докумуоннары Тыа хаһаайыстыбатын министиэристибэтин иһинэн үлэлиир хотугу салаалары, балык хаһаайыстыбатын сайыннарыы отделыгар ылаллар. Аадырыстара: Дьокуускай к., Курашов уулуссатын 28-һа, 223-с кабинет. Докумуоннары тутуу болдьоҕо: балаҕан ыйын 4 күнүгэр диэри.
Тыа хаһаайыстыбатын министиэристибэтин дааннайынан, 21 улууска, 48 табаны иитэр хаһаайыстыбаҕа 236 эдэр табаһыт үлэлиир, кинилэртэн 164 киһи – Арктика зонатыгар олорор. Билиҥҥи туругунан,4 сайаапка киирэн сытар.
Ангелина Васильева, “Саха сирэ” хаһыат, edersaas.ru