MUUS uSTAR диэн ыччат бэстибээлин чэрчитинэн, эдэр суруналыыстарга, блогердарга анаан күрэс биллэрилиннэ.
Манна эдэр суруналыыстары (14-35 саастаах) сэргэ үөрэнээччилэр, устудьуоннар кыттыахтарын сөп. Блогердар социальнай ситимнэргэ тыһыынчаттан тахса сурутааччылаах буолуохтаахтар.
Суруналыыстар 3 киһилээх хамаанда тэринэн баран, “Медиатон” хайысхааҕа кытталлар. Тэрээһин кулун тутар 24 күнүгэр күнүс 3 чаастан өрөспүүбүлүкэтээҕи медиакииҥҥэ ыытыллыа.
Блогердар бэстибээл туһунан социальнай ситимҥэ сырдатыахтаахтар (#муусмедиаконкурс хэштег туруоран).
Кыттааччылар кулун тутар 24 күнүгэр диэри muus.media@yandex.ru электроннай буостаҕа сайаапка ыытыахтаахтар.
Суруналыыстыкаҕа кыайыылаах хамаанда чилиэннэригэр Apple iPad Pro 11, блогердарга 1-кы миэстэҕэ — Apple iPhone 12 төлөпүөн, 2-с, 3-с миэстэлэргэ — Apple Watch чаһы туттарыллар.
Күрэс усулуобуйатын сиһилии muusustar.ru саайтка билсиэххэ сөп.
Ангелина Васильева, “Саха сирэ” хаһыат, edersaas.ru