Эдэр саахыматчыттарбыт саҥа кирбиилэрэ

Ааптар: 
Бөлөххө киир:

Муус устар 30 – ыам ыйын 10 күннэригэр Сочи куоракка ыытыллыбыт Арассыыйаҕа хамаанданан бастыыр иһин күрэхтэһиигэ РФ спордун маастара Владимир Таппыров салайааччылаах Саха сирин эдэр саахыматчыттара урут ситиһиллибэтэх үрдүк көрдөрүүлэннилэр.

Ол курдук, 14 саастаахтар ортолоругар Юля Михайлова (Дьокуускай), Ньургуйаана Баишева итиэннэ Дуня Избекова (Уус Алдан), Олеся Моисеева (Дьокуускай), Настя Андреева састааптаах хамаандабыт Анатолий Карпов аатынан саахымат оскуолатын (Москва) кытта тэҥ очукуоланан, иккис миэстэҕэ таҕыста. Боруонса мэтээли эмиэ Москва куорат Михаил Ботвинник аатынан оҕо спортивнай оскуолатын иитиллээччилэрэ ыллылар.

Бу Саха сирин саахыматын устуоруйатыгар бастакы улахан ситиһиинэн буолар.

Эдэр саахыматчыттар үөрүүлэрин тириэньэрдэрэ Роман Ганжуров, Михаил Ушницкай, Руслан Пахомов тэҥҥэ үллэстэллэр. Манна даҕатан эттэххэ, Олеся Моисееваны аҕата бэйэтэ эрчийэр.

Роман ПОПОВ, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0