Эдэр режиссер Анастасия Борисова киинэтэ Москватааҕы киинэ бэстибээлигэр кыттыаҕа

Ааптар: 
Бөлөххө киир:

Бу күннэргэ норуоттар икки ардыларынааҕы Москватааҕы 42-с киинэ бэстибээлигэр эдэр режиссер Анастасия Борисова «СУЛУС» диэн кылгас миэтирэлээх киинэтэ сүрэхтэннэ диэн Саха тыйаатыра биллэрэр.

edersaas.ru

Анастасия Борисова Дьокуускайга төрөөбүтэ. 2020 сыллаахха Москватааҕы киинэ оскуолатыгар режиссерскай факультетын Алексея Попогребскай, Борис Хлебников уонна Денис Клеблеев куурустарын бүтэрибтэ. Кини “Ийэ” диэн ааттаах курсовой үлэтэ аан дойдуга биллэр «Клермон-Ферран и Триест» бэстибээлигэр кыттыыны ылбыта. Онно сүрүн оруолу Галина Тихонова оонньообута.



Саха сирин үтүөлээх артыыһа Ирина Никифорова уонна «Талаан» устуудьуйа үөрэнээччитэ Сандал Саввинов «СУЛУС» киинэҕэ сүрүн оруолллары оонньообуттар. Бу күннэргэ Ирина Никифорова үөрэнээччитин кытта киинэ сүрэхтэниитигэр ыҥырыллан, бэстибээлгэ кыттан кэллилэр.



Сандал Саввинов быйыл олунньуга Саха тыйаатырыгар режиссер Сергей Потапов туруорбут «Тимир Баасса» испэктээккэ кыра оруолу толорбута.

«Сулус» киинэҕэ Саха сирин биллэр артыыстара Ирина Никифорова, Айаал Аммосов, Софья Баранова, Павел Ченянов, Георгий Бессонов уһуллубуттара.

Егор Карпов, «Саха сирэ» хаһыат, edersaas.ru

Хаартыскалар: Саха тыйаатырын Инстаграм ситимиттэн: @_sakha_theatre

+1
0
+1
0
+1
0
+1
0
+1
0
+1
0
+1
0