Кулун тутар 13-26 күннэригэр Саха сиригэр эдэр профессионаллар ортолоругар “WorldSkills Russia” диэн бүтүн Арассыыйатааҕы V национальнай олимпиада финалыгар талыы түһүмэҕэ буолаары турар.
Варвара ПОПОВА, “Саха сирэ” хаһыат, https://edersaas.ru/
WorldSkills International (WSI) – бу аан дойдутааҕы коммерческайа суох ассоциация сүрүн сыалынан идэ таһымын, статуһун үрдэтии буолар. WSI, боростуойдук быһаардахха, идэҕэ бэриниилээх буолуу, профессионаллар маастарыстыбаларын чөмпүйэнээтэ, эбэтэр олимпиадата да диэн өйдүөххэ сөп. Бу киэҥ хабааннаах тэрээһиҥҥэ бастыҥтан бастыҥ кыттааччылар 45 араас идэҕэ билиилэрин-көрүүлэрин, үөрүйэхтэрин тургутуохтара.
Бүгүҥҥү туругунан, 82 регионтан 1200-тэн тахса кыттааччы, 63 сертификаттаах эксперт, өрөспүүбүлүкэ 14 оройуонуттан 168 волонтер түмсэрэ сабаҕаланар.
Онон, кулун тутар 13 күнүттэн саҕалаан икки нэдиэлэ устата бэрт интэриэһинэй, билиини хаҥатыы сэргэх тэрээһинэ ыытыллаары турар.
Варвара ПОПОВА, “Саха сирэ” хаһыат, https://edersaas.ru/