Эдэр педагогтар сылы түмүктүүр мунньахтара онлайн ыытылынна
Өрөспүүбүлүкэбитигэр эдэр педагогтар ассоциациялара тиһигин быспакка үлэлээбитэ биэс сыл буолла. Бу сыллар тухары эдэр дьон уопут атастаһалларын таһынан, араас тэрээһиннэргэ кытынныллар, маастар-кылаастары, сайыҥҥы оскуолалары ыытылар. Кинилэр бүгүн, ыам ыйын 30 күнүгэр, үөрэх дьылын түмүктүүр мунньахтара онлайн ыытылынна.
Онлайн-мунньахха ассоциация салалтата, настаабынньыктара, араас улуустарга баар чилиэннэрэ кытыннылар. Ол курдук, эдэр учууталларга түмсүү салайааччыта Иван Андреев ааспыт биэс сыллааҕы үлэни билиһиннэрдэ уонна инникитин хайдах быһыылаахтык үлэ барыан баҕарарын быһаарда.
Маны сэргэ СӨ Үөрэххэ уонна наукаҕа министиэристибэтин исписэлииһэ Михаил Андреев, Үөрэҕи сайыннарар уонна идэни үрдэтэр институт дириэктэрин солбуйааччы Дианида Абрамова эҕэрдэлээтилэр, түмсүү сайдарыгар, инники үлэтигэр бэйэлэрин санааларын эттилэр.
Эдэр педагогтар ассоциация саҥа бэрэссэдээтэлин талаары сылдьаллар эбит. Билиҥҥитэ биир хандьыдаат баар — Сунтаар улууһуттан төрүттээх Дьокуускай куорат 16-с оскуолатын изоҕа уонна черчениеҕа учуутала Роберт Иванов. Кини түмсүү тэриллиэҕиттэн көхтөөхтүк туох баар үлэҕэ кыттар. Онон, түмсүү чилиэннэрэ «быыбар» хаһан уонна хайдах буоларын быһаарыстылар.
Айтана Аммосова, edersaas.ru
Хаартыскалар — Иван Андреев тиксэриитэ.