«Кыһын тымныы эрээри дьоллоох дьоҥҥо ичигэс» тэрээһиҥҥэ лотерея оонньуутун бастакы кыайыылааҕа билиннэ.
edersaas.ru
— Дьокуускайга олорор Чурапчы кыыһа, кэргэнэ Таатта Уолбатын уола, — диэн батсаап биир бөлөҕөр иһитиннэрии кэллэ. Ити курдук, «Сэттэ» тутуу хампаанньатын тутулла турар икки хостоох кыбартыыратын Дьокуускай куорат олохтооҕо Александра Сыромятникова сүүйдэ! «Фортуна» кэнсиэр агенствотын лотереятын дьоллоох билиэтин хаһаайката инстаграмҥа маннык суруйбут:
— Итэҕэйиҥ дьиктигэ, соһуччуга! Бу тухары мин оннукка итэҕэйбэт этим. Билиэти кэнсиэргэ киирээри туран атыыласпытым. Баҕа санаам туолла!
Дьэ, кырдьык, Ороһооспотооҕу дьоллоох түгэн диэн бу буоллаҕа!
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1